Каталония парламенти 9 октябрь, душанба куни автономия мустақиллиги масаласини муҳокама этиш учун тўпланади. Бу ҳақда Каталония ҳукумати ташқи ишлар департаменти раҳбари Рауль Ромева маълум қилди, дея хабар беради «ТАСС».
«Парламент тўпланиб, ушбу масалани кўриб чиқади. Ўта муҳим муҳокама бўлиб ўтади», — деди Ромева.
Олдинроқ Каталония социалистлари Испания Конституциявий судига ҳукмрон кўпчилик мустақилликни бир томонлама эълон қилган тақдирда қиролликнинг асосий қонунини қўпол равишда бузиши, шунингдек, бунга қарши чиқаётган депутатлар ҳуқуқини поймол этиши баён қилинган шикоят йўллаганди.
Конституциявий суд мазкур даъвони қабул қилди. Натижада автономия парламентининг 9 октябрда мустақиллик масаласида йиғилиш ўтказиш қарорининг амал қилиши ўз-ўзидан тўхтатилди.
Изоҳ (0)