Стокгольмда Нобель мукофотининг тиббиёт ва физиология бўйича лауреатлари эълон қилинди. Мукофот «циркад ритмларини назорат қилувчи молекуляр механизмни кашф этганлиги» учун америкалик олимлар Жеффри Холл, Майкл Росбаш ва Майкл Янгга топширилди, деб хабар берди Meduza.
Циркад ритмлар — кун ва туннинг алмашишига боғлиқ равишда турли биологик жараёнлар жадаллигининг даврий тебраниши. Циркад ритмларни назорат қилувчи механизм «биологик соат» номи билан машҳур.
Олимлар нормал кунлик биологик ритмни назорат қилувчи дрозофил генини ва концентрацияси куннинг вақтига қараб ўзгариб турадиган оқсилни ажратиб олишга муваффақ бўлган.
Нобель қўмитасининг пресс-релизида айтилишича, улар «бизнинг биологик соатларимиз ичига кириб, унинг ички ишини аниқлаб бера олди».
Маълумот учун, «Нобель ҳафталиги»ни тиббиёт ва биология йўналишлари очиб беради. 3 октябрь, сешанба куни физика бўйича, ундан кейинги кун кимё, 5 октябрь адабиёт бўйича, 6 октябрь тинчлик бўйича Нобель мукофоти совдиндорларининг исмлари эълон қилинади.
Изоҳ (0)