Россиянинг Лебедев номидаги физика институти ходимлари Қуёшда юрак шаклидаги фигйра пайдо бўлганини қайд этди. У 3 октябрга ўтар кечаси юз берди, деб маълум қилинган институтнинг расмий сайтида.
«Тўлқинларнинг бундай ҳайратланарли белгиси Қуёш юзасида жойлашган магнит қутблари томонидан ҳосил қилинган. Шаклнинг ташқи контур чизиқлари совуқ магнит тўлқинлари билан «чизилган» ва тўқроқ рангда товланади, юракнинг марказида эса ёрқин қайноқ қисм жойлашган. Шаклнинг ўлчами қарийб миллион километрни ташкил қилган»,— дейилади хабарда.
Таъкидланишича, шаклнинг маркази Қуёшнинг айнан Ерга қараган қисмида ҳосил бўлган.
Бир неча соатдан кейин шакл йўқолган. Бундай «суратлар» Қуёш сатҳида магнит қутбларининг юлдуз сатҳидаги ва тубидаги ўзаро мураккаб таъсири натижасида юзага келади.
Изоҳ (0)