АҚШлик олимлар гуруҳи 2011 йилда Япониянинг шарқий қирғоқларида юз берган Буюк зилзила сувости жонзотларининг Шимолий Америка томонга аномал кўчишига сабаб бўлганини тушунтириб берди. Бунда ҳайвонларга цунами натижасида океанга оқиб кетган чиқиндилар ёрдам берган. Бу ҳақда Earther хабар берди.
Мутахассисларнинг хулосаларига кўра, Япония қирғоқларида яшовчи денгиз ҳайвонларининг 300 дан ортиқ тури Гавайи ороллари ва Шимолий Американинг ғарбий қирғоқларига томон кўчган. Ҳайвонлар бутилкалар, шиналар, кемаларнинг бўлаклари ва пенопластда сузиб борган. Цунами сабабли юзага келган кўчиш олти йилдан буён давом этмоқда.
Олимларнинг сўзларига кўра, аниқланган турлардан ҳеч бири, шу жумладан, моллюскалар, қуртлар, балиқлар, мустақил равишда сувда катта масофани босиб ўта олмайди. Бироқ бу ҳолатда уларнинг кўпчилиги яшаб, кўпаймоқда ва янги экотизимга мослашмоқда. Жонзотларнинг 35 фоизи аллақачон тинч океанининг АҚШ қирғоқларида тарқалган.
Изоҳ (0)