АҚШ бошчилигидаги халқаро коалиция Сурия шарқида «Ҳизбуллоҳ» ҳаракати жангчиларига авиазарба бермади. Бу ҳақда коалиция штаби расмий вакили Райан Диллон маълум қилди, дея хабар беради «ТАСС».
«Авиазарбалар коалиция операциялари ўтказиладиган ҳудудга берилмади. Биз ИШИД билан Раққада ва Фрот дарёсининг шарқида курашмоқдамиз», — дея изоҳ берди Диллон Twitter’даги саҳифасида.
Олдинроқ Ал-Арабия телеканали «Ҳизбуллоҳ»нинг камида 7 нафар жангчиси Пальмира шарқида бомбардимон қурбони бўлганини билдирганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)