Франция пойтахти Париж шаҳрида бугун, 1 октябрь куни бўлиб ўтаётган машиналарсиз ва мотоциклларсиз кунда пойтахт аҳолисига велосипедларда ҳаракатланиш ёки пиёда юриш таклиф қилинмоқда. Бу ҳақда «РИА Новости» хабар берди.
«2015 ва 2016 йилда бўлиб ўтган Машиналарсиз кунларнинг муваффақиятидан сўнг шаҳар машиналарсиз ҳудудни бутун Париж бўйлаб кенгайтириб, тадбирни бу йил ҳам ташкиллаштирди», — дейилади пойтахт мериясининг хабарида.
Аҳолига ва «шаҳарни севувчилар»га маҳаллий вақт билан 11:00 дан 18:00 га қадар шаҳар бўйлаб пиёда юриш, велосипедда, ғилдиракли конькиларда, самокатларда ҳаракатланиш таклиф этилган. Автомобильлар ҳаракатига чеклов Париждаги айланма йўл — Переферик булварига тааллуқли эмас.
Шу билан бирга, автомобиллардан фойдаланишга чеклов жамоат транспорти, сайёҳлик автобуслари, такси ва фавқулодда хизматларга тааллуқли эмас. Шунингдек, автомобилида тегишли белгиси бўлган ногиронлар ҳам шахсий транспорт воситасида ҳаракатланиши мумкин.
«Парижда ҳар йили тахминан 2,5 минг киши нафас олаётган ҳаво сабабли ҳаётдан кўз юмади. Бу ЙТҲларда қурбон бўлаётган кишилар сонидан 60 марта кўп», — дейди акция ташкилотчиларидан бири.
Изоҳ (0)