GM Uzbekistan 29 сентябрдан ягона савдо портали «Chevrolet.uz»ни ишга туширди. Шу муносабат билан компания томонидан ОАВ ходимлари учун матбуот анжумани ташкил этилди.
«Chevrolet.uz» савдо портали харидорга ўзи учун керакли автомобиль модели, ранги, мос келувчи тўплами, шунингдек, автомобилни харид қилиш мақсадида ариза бериш учун энг яқин автосалонни танлаш имконини беради.
Ариза беришдан аввал бўлажак харидор ўзи харид қилмоқчи бўлган автомобиль тури ҳақида барча маълумотларни визуал форматда олиши мумкин. Автомобильнинг интерьери ва экстерьери, айнан шу тўпламга доир мавжуд функциялари билан танишиш ҳамда автомобиль харид қилиш учун аризани расмийлаштириш имконияти яратилган.
Шундан сўнг харидор ўзи учун қулай бўлган усулда шартнома расмийлаштириш ва пул маблағларини тўлашга ўз навбати яқинлашаётганини кузатиб бориши мумкин.
Янги тизим автомобиль харид қилишнинг барча босқичлари шаффоф бўлишини таъминлашга қаратилган.
Изоҳ (0)