БАА тамаки ва энергетик ичимликларга 100 фоиз аксиз солиғи жорий этди. Энди уларнинг нархи икки баробар кўтарилади. Бу ҳақда «РИА Новости» хабар берди.
Arabian Business нашрига кўра, ҳозирда Амирликлардаги барча дўконлар ҳам мазкур маҳсулотларга нархларни оширгани йўқ. Маҳсулотлар қонун кучга киргунга қадар олинган бўлса, сотувчилар уларни эски нархларда сотиши мумкин.
Саудия Арабистони аввалроқ — июнь ойида Форс кўрфази араб давлатлари орасида биринчи бўлиб тамаки маҳсулотлари ва энергетик ичимликларга 100, газли ичимликларга эса 50 фоиз аксиз солиқлари қўллаганди.
Шунингдек, Форс кўрфази араб давлатлари ҳамкорлик кенгаши биргаликда қўшимча қиймат солиғини жорий этиш тўғрисида келишиб олди. БАА ва Саудия Арабистонида ушбу солиқ келгуси йил январидан кучга киради.
Изоҳ (0)