АҚШ давлат котиби Рекс Тиллерсон илк бор Вашингтоннинг Шимолий Корея билан музокараларни бошлашга уринганини тан олди. Бу ҳақда «РБК» хабар бермоқда.
«Пхеньян билан коммуникация каналлари мавжуд, буткул зимистонда эмасмиз. Улар билан гаплашишимиз мумкин ва гаплашяпмиз ҳам», — деди Тиллерсон Хитойга сафари чоғидаги чиқишида.
Давлат котибига кўра, АҚШда Шимолий Корея учун икки-уч канал очилган, мулоқот тўғридан-тўғри бўлиб ўтади. Бундай музокаралардан кўзда тутилган мақсад КХДР нимани муҳокама қилишни исташига аниқлик киритишдан иборат.
«Афсуски, бу борада жуда узоққа боролганимиз йўқ», — хулоса қилди Тиллерсон.
Эслатиб ўтамиз, олдинроқ АҚШ Давлат департаменти расмий вакили Хизер Науэрт ҳам Шимолий Корея музокараларни истамаслигидан нолиган эди.
Изоҳ (0)