КХДР АҚШга, санкциялар сиёсати давом эттирилган ва Корея ярим оролига стратегик бомбардимончилар жўнатилган тақдирда, ядро ҳалокати билан таҳдид қилди. Мамлакатнинг Осиё—Тинч океани минтақасида тинчлик учун қўмитаси вакилининг баёнотида шу ҳақда сўз боради, дея хабар беради «ТАСС».
«Биз кучларимиз тўлиқ жанговар шай ҳолатда эканлигини яна бир бор эслатамиз. Санкциялар тўқмоғидан фойдаланиш ва бомбардимончилар жўнатилиши ядро ҳалокатига олиб келадиган, АҚШ ҳудудини олов денгизига айлантирувчи ўз жонига қасд қилиш актларидир», — дейилади баёнотда.
КХДР АҚШ президенти Дональд Трампнинг мамлакатга оид баёнотини яна бир бор танқид қилди ва уни «америкалик телба қария» деб атади.
Эслатиб ўтамиз, аввалроқ АҚШнинг авиаташувчи жанговар гуруҳи 15 октябрда Шимолий Корея қирғоқларига юборилиши маълум қилинганди.
Изоҳ (0)