Google корпорацияси 27 сентябрь куни ўзининг 19 ёшини нишонламоқда, деб ёзади Meduza. Ушбу воқеа муносабати билан қидирув тизимига «Илон» ўйинини ўйнаш имконияти қўшилди.
Ўйин қидирув натижаларида пайдо бўлиши учун, қидирув сатрига «змейка» ёки «snake» деб ёзиш кифоя.
Веб-версияда илон клавиатурадан, мобил версияда эса — свайплар билан бошқарилади.
Шунингдек, ўзининг 19 йиллигига атаб, Google «Мўъжизалар майдони»даги каби айланувчи барабанли байрам дудлини қўшди. Совғалар ўрнига унга турли «пасха тухумлари» жойлаштирилган бўлиб, ҳайвонлар овозларини эшитиб кўриш ёки дудлларга яширилган ўйинларни ўйнаш имкониятлари бор.
Изоҳ (0)