Instagram’да фойдаланувчилар изоҳларини чеклаш функцияси пайдо бўлди. Унинг созламаларида тўртта вариант мавжуд: «барча изоҳ қолдириши мумкин», «фақатгина мен обуна бўлганлар», «фақатгина обуначиларим» ва «мен обуна бўлганлар ва менинг обуначиларим», деб хабар берди TJournal.
Бунга қадар очиқ профилларга барча изоҳ қолдириши мумкин эди. Ёпиқ аккаунтлардаги суратларни ва изоҳларни бегона одам олдингидек кўра олмайди.
Бундан ташқари, бегона одамларнинг изоҳларини блоклаш функцияси ҳам пайдо бўлди. Блокланган фойдаланувчининг изоҳларини фақатгина унинг ўзи кўра олиши мумкин, шунингдек, муаллиф ўзининг блокланганини билмайди ҳам.
Шунингдек, Instagram раҳбарияти тўғридан тўғри трансляциялар учун аноним мурожаат қилиш тугмасини қўшди. Фойдаланувчилар қўллаб-қувватлашга муҳтож инсонни кўрсалар, сервис маъмуриятига мурожаат қилишлари мумкин. Унга маслаҳат олиш, ишонч телефонларига қўнғироқ қилиш ёки маслаҳат сўраш таклиф этилади.
25 сентябрь куни Instagram фойдаланувчилари ярим йил ичида 100 миллионга ортди ва ҳозирда ижтимоий тармоқнинг ойлик фойдаланувчилари сони 800 миллионга етди.
Изоҳ (0)