Тошкент шаҳар Ички ишлар бош бошқармаси хабарига кўра, Шайхонтоҳур туманида 25 сентябрь куни соат тахминан 2:30 да милиция ходимлари кўчада кетаётган тўрт йигитни тўхтатиб, текширган.
Текширув давомида уларнинг ҳеч бирида шахсини тасдиқловчи ҳужжатлари йўқлиги, бироқ ёнида нақд пул маблағлари борлиги аниқланган; шундан сўнг йигитлар Шайхонтоҳур тумани ИИБ бўлинмасига олиб келинган.
Бўлинмада йигитларнинг шахси, шунингдек, уларнинг ёнидаги 1,3 миллион сўм пул Шайхонтоҳурдаги спиртли ичимлик дўконидан ўғирлангани аниқланган.
Хабар беришларича, ҳолат юзасидан «ўғирлик, яъни бир гуруҳ шахслар томонидан олдиндан тил бириктириб, хонага ғайриқонуний равишда кириб, ўзганинг мол-мулкини яширин равишда талон-торож қилиш» аломатлари билан жиноят иши қўзғатилган.
«Ҳозирда дастлабки тергов ҳаракатлари давом эттирилиб, уларнинг бошқа жиноятларга алоқадорликлари текширилмоқда», — дейилади ИИББ ахборотида.
Изоҳ (0)