Нью-Йоркдаги Осиё жамиятида чиқиш қилган Эрон ташқи ишлар вазири Муҳаммад Жавод Зариф АҚШнинг Суриядаги ҳаракатларига баҳо берди. Бу ҳақда «Коммерсантъ» хабар бермоқда.
«Назаримда, бугунги кунда устувор қўрилаётган мақсадлар ўзгарган. АҚШ ҳукумати учун ИШИД устидан ғалабадан кўра Сурия ҳукумати Ироқ билан чегарада назорат ўрнатишига йўл қўймаслик муҳимроқ кўринади», — деди Муҳаммад Жавод Зариф.
Вазир Суриядаги вазиятни бартараф этишда Эрон олдида турган вазифага ҳам тўхталиб ўтди.
«Биз Сурияда кимнидир қўллаб-қувватлаш учун эмас, террорчиларга қарши курашиш учун бўлиб турибмиз», — таъкидлади Эрон ТИВ раҳбари.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)