Мақсадга эришишга ёрдам берувчи 7 қадам

Ҳар қандай мақсадга эришишнинг калити — ҳар куни сизни истагингиз томон яқинлаштирадиган ҳеч бўлмаса битта ҳаракатни бажариш.

Олимлар томонидан ўтказилган тадқиқотлар натижалари олдига мақсад қўйишнинг ўзигина етарли эмаслигини кўрсатади. Унга етишиш учун аниқ режа зарур бўлади.

Ҳаракат қилиш режасини ишлаб чиқишга ёрдам берадиган қуйидаги махсус формуладан фойдаланинг.

Етти қадам формуласи

Қайси соҳа бўйича нимага эришишни хоҳлаётганингизни белгилаб олинг. Истагингизни аниқ ифодаланг ва уни батафсил ёзиб чиқинг. Шунда сиз ўз олдингизга ҳар доим кўриниб турадиган аниқ мақсад қўйган бўласиз.

2-қадам

Мақсадга эришиш учун муддат қўйинг. Агар бу кўп вақт талаб қилса, уни бир неча қисмларга ажратинг. Ҳар бир оралиқ мақсадлар учун ҳам ўз муддатини белгиланг.

3-қадам

Бу мақсадни амалга ошириш учун қилиниши зарур бўлган ишларнинг рўйхатини тузинг. Рўйхатни зарур ҳолларда давом эттириш мумкин.

4-қадам

Рўйхатингиздаги зарур ишларнинг режасини тузиб чиқинг. Муҳимлигига қараб жойлаштиринг ва энг аввал нимани қилиш кераклигини белгилаб олинг. Баъзи ишларни сиз фақат бошқалари тамом бўлгандан кейингина амалга оширишингиз мумкин. Уларни керакли кетма-кетликда жойлаштиринг.

5-қадам

Мақсадга эришишда нима тўсқинлик қилиши мумкинлигини аниқланг. Балки сизга маълум бир малака ёки қандайдир маълумотлар етишмаётгандир. Сизга қаршилик кўрсатаётган омилларни йўқотишга ва зарур бўлганини олишга ҳаракат қилинг.

6-қадам

Олдинги қадамлардан сўнг дарҳол ишга киришинг. Ички сезгига ишонинг ва сизни мақсадга нима яқинлаштирса шуни қилинг. Асосийси — ҳаракатни керакли йўналишда бошлаш.

7-қадам

Ҳар куни эрталаб кунингизни режалаштиришга ва ҳар куни мақсадга эришишда ёрдам берадиган камида битта иш бажаришга одатланинг. Сиз бемалол мақсадга эришиш мумкинлигини кўрасиз. Натижада кундан-кун сизга олдинга интилиш осонроқ бўлади.

Манба: «Womanwаy.online»