Занг – бу ҳар қандай уй бекаси учун муаммо. Албатта, оммавий ахборот воситаларида кенг реклама қилинаётган турли хилдаги зангларни кетказувчи воситалар яхши самара бериши мумкин, лекин бундай воситалардан тез-тез фойдаланиш оилавий бюджетингизга зарар келтиради. Занглар эса гоҳ ваннахонада, гоҳ ҳожатхонада, гоҳида ошхонада пайдо бўлаверади…
Бизнинг оналаримиз ва бувиларимиз томонидан узоқ йиллар давомида зангларни кетказишда фойдаланиб келинган ишончли воситалар ҳақида сизга айтиб бермоқчимиз. Улар реклама қилинаётган воситалардан анча арзонга тушади, муаммосиз ва дарҳол таъсир кўрсатади ва ҳар қандай дорихоналардан топилади.
Уйингизда ҳеч қандай занг бўлмаслигини хоҳлайсизми? Унда қуйидаги тайёрлаш усулини диққат билан ўрганиб чиқинг.
Сизга керак бўлади:
- Нашатир спирти – 100 мл;
- Водород пероксиди – 50 мл;
- 0,5 литр ҳажмдаги жуда тоза ва қуруқ банка;
- Резина қўлқоплар (бу албатта бўлиши шарт);
- Тоза ва қуруқ латталар.
- Банкага нашатир спиртини қуйинг.
- Унинг устига водород пероксидни ингичка оқимда қуйинг.
- Аралашма тўкилиб кетмаслиги учун идишни эҳтиётлик билан чайқанг.
- Аралашмага тоза қуруқ латтани ботириб ҳўлланг ва занг босган соҳага суринг.
- 10-15 дақиқа ўтгандан кейин оқиб турган сув билан ювиб ташланг.
Манба: «Хитрости жизни»
Изоҳ (0)