Олма сиркаси уйингизнинг янада тозароқ, боғингизнинг эса — серҳосилроқ бўлишига ёрдам беради.
Ошхонада
- Сирка ва сувни тенг миқдорда аралаштиринг. Микробга қарши жуда ажойиб ювиш воситасига эга бўласиз. Уни столлар, микротўлқинли печ, плита ва бошқа юзаларни тозалашда ишлатишингиз мумкин.
- Идиш ювувчи машина учун ишлатиладиган ювиш воситасига ¹⁄₄ пиёла сирка қўшинг. Сирка қаҳва ва винонинг қорамтир доғларини тозалайди.
- Олма сиркаси шунингдек идиш ювадиган машинани қасмоқлардан ҳам тозалайди. Бунинг учун унинг ичидан ҳамма идишларни чиқаринг ва машинани ишлатинг. 2–3 дақиқа ўтиб машинанинг таги сувга тўлгандан кейин унинг ичига 1-2 пиёла сирка қўшинг.
Ваннахонада
- Олма сиркаси ваннадаги моғордан қутулишга ёрдам беради. Бунинг учун сув қўшилмаган ёки бироз сув қўшилган сиркадан фойдаланиш мумкин.
- Агар ошхона ёки ваннахонада сув қувури ифлосланиб қолган бўлса, у ерга ярим пиёла сода сепинг. Кейин бир пиёладан сирка ва иссиқ сув қуйинг. 15 дақиқадан сўнг кўпроқ сув билан ювиб юборинг.
- Кир ювиш машинасини тозалаш учун, кир ювиш кукунига икки пиёла сирка қўшинг. Кейин бўш машинани ишга туширинг.
- Чойшаблар тоза бўлиши ва бактерияларни йўқотиш учун кир ювишда бир пиёла сирка қўшинг.
Хонада
- Агар стол устида шам изи қотиб қолган бўлса, аввал уни қиртишлаб олинг. Кейин стол юзасини сув ва олма сиркаси аралашмасига ҳўлланган латта билан артиб олинг.
- Бундай аралашма ёрдамида дераза ва деворларни доғлардан тозалаш мумкин.
- Сув қўшилмаган олма сиркаси стол устидаги қорамтир доғларни кетказишга ёрдам беради.
- Сиркани икки ош қошиқ туз билан аралаштиринг. Ҳосил бўлган аралашма билан гиламдаги доғларни артинг, кейин эса чангютгич ёрдамида тозаланг.
Боғда
- Гулзорни ёввойи ўтлардан тозалаш учун, уларнинг устига олма сиркасини пурканг.
- Сирка — ажойиб ўғит. 30 л сувга 300 г олма циркасини аралаштиринг. Ўғит бермоқчи бўлган ўсимликларни шу аралашма билан суғоринг.
Изоҳ (0)