Интерьерга ранглар қўшиш ва буни меъёридан ошириб юбормасликнинг 6 усули

Уй ичини янгилаш ва бунда беўхшовликка йўл қўймаслик учун тегишли жойлардаги рангларни бироз таъкидлаб кўрсатиш керак.

Бир хил тусдаги минималлик дизайни ўзининг қулайлиги ва кўзга ташланмайдиган гўзаллигини исботлади, лекин баъзан уни рангли доғлар билан аралаштиришни хоҳлаб қоламиз. Сизга бу истакни амалга оширишнинг бир неча ғояларини таклиф қилмоқчимиз.

1. Кириш эшиги

Кириш эшигини ёрқин рангга бўянг, шунда у даҳлизнинг асосий қисмига айланади. Бошқа ҳеч қандай безакли жиҳозлар керак бўлмайди.

2. Каравотнинг бош томони

Агар сизнинг каравотингизнинг бош томони йўқ бўлса, уни чизиш мумкин. Бунинг учун каравотнинг бош томони ўрнидаги деворни бўянг. Агар унинг бош томони бўлса, бутун хонага жонлилик бериш учун унинг юқорисига кенгроқ қилиб чизиқ тортиш мумкин.

3. Турли хил рангли стуллар

Бир хил шаклда, лекин ҳар хил рангдаги стуллар хонанинг уйғунлигини бузмайди, аксинча, унга шўх кайфият бахш этади.

4. Китоб жавонлари

Жавон рафларини олинг ва орқадаги деворни ёрқин рангга бўянг. Бўёқ қуригандан кейин рафларни жойига қўйинг. Бундай жавонда китоблар жуда ажойиб кўринади.

5. Ошхона гиламчалари

Ёрқин рангли гиламча ошхона кўринишини бутунлай ўзгартириб юборади. Агар у турли хил рангдаги квадратлардан қилинган бўлса, унда бирон нарса тўкилиб кетишидан қўрқмасангиз ҳам бўлади — ишдан чиққан бўлагини осон алмаштириш мумкин.

6. Боғ мебели

Ёрқин рангли боғ мебели хонада ҳам ажойиб кўринади. Бунинг устига агар у букланадиган бўлса, мебелнинг бу рангли қисмларини хоҳлаган пайтда қўшиш ва олиб қўйиш ҳам мумкин бўлади.

Манба: «Passion.ru»