Бугунги кунда, жамоат жойларида чекиш ҳуқуқи кескин чегараланган бир пайтда, чекувчилар фақат ўз уйларидагина бемалол чека олади. Энг инсофлилари балконда чекади, лекин қишда у ерда ҳам қийин бўлади. Шунинг учун одатда ошхона «чекиш жойи»га айланади, у ердан эса зарарли тутун бутун хонадон бўйлаб тарқалади.
Бу зарарли одатдан қутулиш қанчалик қийин эканлигини тажрибали чекувчилар билади. Ёзувчи Марк Твен бутун муаммони жуда яхши таърифлайди: «Чекишни ташлашдан ҳам осонроқ нарса йўқ, мен ўзим уни юз марта ташладим».
Лекин тамаки тутунининг атрофдагиларга зарарли таъсирини камайтириш мумкин ва керак, бунга эса хона ичида ўсадиган ўсимликлар ёрдам беради.
- Спатифиллум ҳақиқий «универсал ҳаво тозаловчи» ҳисобланади, у тамаки тутуни таркибидаги фақат формальдегид ва трихлоретилендан эмас, балки бошқа зарарли моддалардан ҳам тозалайди. Агар бу ўсимлик ваннахонага қўйилса, у моғор споралари пайдо бўлишининг олдини олади.
- Бетел пальмаси уй ҳавосини ажойиб тарзда бутунлай тозалайди, шу жумладан тамаки тутуни таркибидаги зарарли моддалардан ҳам.
- Хлорофитум углерод оксидини ва бошқа заҳарли моддаларни, шу жумладан формальдегидларни ҳам ўзига жуда яхши тортиб олади. NASA уни шу хусусиятларига кўра хона ўсимликлари ичида энг самарали ҳаво тозаловчилар учлигига киритди.
- Сансевиерия ўсимлиги формальдегидлар қаторида азот оксидларини ҳам тозалай олади.
- Бамбукли пальма – формальдегидларни самарали тарзда ютувчи, шунингдек у ҳавонинг табиий намловчиси ҳам ҳисобланади.
Манба: «Хитрости жизни»
Изоҳ (0)