Филиппиндаги Маасин шаҳрининг қирғоқларига узунлиги 10 метр келадиган номаълум жонзотнинг жасади оқиб келиб қолди. Бу ҳақда Меtro’га таяниб, «Корреспондент.net» хабар берди.
Таъкидланишича, ушбу жонзотни маҳаллий аҳолидан бири кўриб қолган.
Ушбу ғалати жонзотнинг танаси жуда кучли чириб кетганлиги сабаб Филиппин ҳукумати ҳозирча унинг турини аниқлай олмади.
Шу билан бирга маҳаллий балиқчилик ва сув ресурслари бюроси вакили Юлиус Альпинонинг айтишича, ушбу ҳайвон аслида кит, бироқ буни тўғридан тўғри исботловчи далиллар мавжуд эмас.
Номаълум жонзотнинг жасадини денгизга кўмишга қарор қилинди, чунки унинг қолдиқлари одамлар учун хавфли бўлиши мумкин.
Изоҳ (0)