Тадқиқотчиларнинг халқаро жамоаси Австралиянинг шарқий қирғоғида жойлашган Жервис бўғози тубида саккизоёқлар шаҳрини аниқлади. Octopus tetricus саккизоёқларининг йирик ини Octlantis деб номланди. Бу ҳақда Science Alert нашри хабар бермоқда.
10—15 метр чуқурликда ўтказилган сувости экспедицияси давомида чиғаноқлар, тошлар ва қумдан ҳосил бўлган уйларда яшовчи саккизоёқлар топилган. Олимлар сувости ҳайвонларининг ҳаётини 10 соат давомида кузатган ва тасвирга олган. Олимлар ҳаммаси бўлиб 15 та саккизоёқни санаган. Улар бошқа ҳайвонларни қувиш учун бир-бири билан алоқа қилади. Шунингдек, бир-бирини ҳам индан қувиб чиқаради.
Шаҳарнинг майдони 72 квадрат метрни ташкил қилади. Олимларнинг ҳисоблашича, саккизоёқларни шаҳар учун асос бўлган тошлар жалб қилган бўлиши мумкин. Бироқ тадқиқотчилар саккизоёқлар учун биргаликда яшашнинг қандай афзаллиги борлигини ҳали билмайди. Бу ҳудуд озуқага мўллиги билан ажралиб туради, бироқ бу йиртқичлар эътиборини ҳам тортади. Бундан ташқари, саккизоёқлар ўртасида шафқатсиз рақобат ҳам кузатилади.
Изоҳ (0)