Президент «2018 йилда қишлоқ хўжалик экинларини оқилона жойлаштириш чора-тадбирлари ва қишлоқ хўжалик маҳсулотлари ишлаб чиқаришнинг прогнозли ҳажмлари тўғрисида» қарор имзолади, деб ёзади Norma.
Ҳужжатга мувофиқ, қишлоқ хўжалиги экинлари майдонларини жойлаштириш қишлоқ хўжалиги маҳсулотлари ишлаб чиқаришнинг тўлиқ циклини ўз ичига олади, жумладан:
- ер ва сув ресурсларидан самарали фойдаланиш, ер балансига риоя қилиш, қишлоқ хўжалиги экинларини етиштириш учун замонавий ва ресурсларни тежовчи технологияларни жорий этиш;
- фермер ва деҳқон хўжаликларининг ихтисослашуви, ҳудудларнинг тупроқ-иқлим шароити, ерларнинг мелиоратив ҳолати, ерларнинг унумдорлиги, уларнинг сув билан таъминланганлиги, ҳосилни таҳлил қилиш ва ҳоказоларни ҳисобга олган ҳолда қишлоқ хўжалиги экинларини оқилона жойлаштириш;
- фермер хўжаликлари ва сотиб олиш ташкилотлари ўртасида шартнома тузиш, моддий-техника ресурсларини етказиб бериш, молиялаштиришни таъминлаш, агротехник тадбирларни ўз вақтида ва сифатли амалга ошириш;
- фермерлар томонидан ишлаб чиқарилаётган маҳсулотларни сотиш мониторинги ва ҳисобини юритиш, сотилган маҳсулотлар эвазига олинган даромадларни хизмат кўрсатувчи банкларга топширишни таъминлаш;
- қишлоқ хўжалиги экинлари жойлаштирилишининг бузилиши, шартнома мажбуриятларининг бажарилмаслиги, фермер хўжаликларини моддий-техника ресурслари билан ўз вақтида таъминламаганлик учун қатъий чоралар кўриш.
Шу билан бирга, шартномада кўрсатилган ҳажмдан ташқари ишлаб чиқарилган маҳсулот фермер хўжаликларининг ўз ихтиёрида қолади.
Изоҳ (0)