2017 йил 27 апрель куни Ўзбекистон Президенти Жиззах вилоятидаги янги нефтни қайта ишлаш мажмуасига биринчи тошни қўйиш маросимида қатнашиб, улкан лойиҳани амалга оширишга старт берган эди, деб ёзади «1news.uz».
Тошкентда яқинда бўлиб ўтган анжуманда ушбу мажмуа қурилиши масалалари кўриб чиқилди. Мажмуа қурилиши билан «Ўзбекнефтгаз» АЖ тузилмавий бўлинмаларидан бири — Jizzakh Petroleum МЧЖ ҚК бош пудратчи — Enter Engineering Ltd ва унинг бундай корхоналар яратиш бўйича катта тажрибага эга шериклари билан бирга шуғулланмоқда.
Jizzakh Petroleum МЧЖ ҚК директори вазифасини бажарувчи, «Ўзбекнефтгаз» МХК собиқ раҳбари Шокир Файзуллаев нефтни қайта ишлаш мажмуаси учун замонавий технологияларни танлаш муҳимлиги ҳақида гапириб берди.
Мажмуа йилига беш миллион тонна нефтни қайта ишлаш йўли билан 3,7 миллион тонна мотор ёқилғиси, 700 минг тоннадан зиёд авиация керосини, шунингдек, суюлтирилган газ, мазут, битум ва бошқа талабгир маҳсулотларни чиқаради.
Изоҳ (0)