Олимлар иқлимнинг ўзгариши кофе дарахтларининг ўсишига ва уларни чанглантирувчи ҳашаротларга қандай таъсир кўрсатишини аниқлаб, яқин вақтлар ичида кофа етиштирувчиларни оғир кунлар кутаётганини маълум қилишди. Тадқиқотга тегишли ҳисобот PNAS журналида чоп этилди, деб хабар берди «Корреспондент.net».
Таъкидланишича, Лотин Америкасида кофе етиштириш учун яроқли бўлган деярли барча ҳудудлар кофе дарахтларини ўсиши ёки муҳим чанглантирувчиларнинг яшаши учун жуда иссиқ бўлиб қолади.
Олимлар гуруҳи кофе плантациялари ва асалариларнинг яшаш шароитларига боғлиқ бўлган сўнгги 50 йилликдаги маълумотларни ўрганиб чиқишди. Ҳисоб-китобларга кўра, иқлим ўзгаришидан энг катта зарар асалариларга қараганда дарахтлар етади, айниқса, Жанубий Американинг тоғли ҳудудларига. Шунга қарамай чанглантирувчилар ҳозирда кофе ўсадиган жойлардан бутунлай йўқлиб кетмайди.
Кофе етиштиришга яроқли бўлган плантациялар 2050 йилга бориб 73—88 фоизга қисқариб кетади.
Бу каби жараёндан тоғли ва тропик ҳудудларда жойлашган давлатлар, жумладан, Никарагуа, Гондурас, Венесуэла, Мексика, Колумбия, Коста-Рика каби давлатлар кўпроқ зарар кўради.
Олимларнинг таъкидлашича, глобал исишнинг ягона устунлиги, кофе етиштиришга яроқли бўлиб қоладиган ҳудудлардаги кофеларнинг унумдорлиги 20 фоизга ошиши мумкин. Бунга ёғингарчиликнинг, ҳароратнинг ва асаларилар турининг кўпайиши сабаб бўлади.
Изоҳ (0)