АҚШ президенти Дональд Трамп бошқа давлатлар вакиллари билан баланддан келиб муомала қилади, бундан гўёки бошқа мамлакатлар унга бўйсунадигандай туюлади. Бу ҳақда Венесуэла ташқи ишлар вазири Хорхе Арреаса баёнот берди, деб хабар қилади «РИА Новости».
БМТ Бош Ассамблеясида чиқиш қилган Трамп Венесуэла, Эрон ва КХДР ҳақида кескин танқидий гаплар айтди, жумладан, АҚШ Венесуэлага қарши чоралар кўришда давом этишга тайёрлигини билдириб ўтди. Шунингдек у КХДРни бутунлай йўқ қилиши мумкинлигини айтди.
«Биз АҚШ президентининг бугунги баёнотларидан ҳайрон қолдик. Бу жаҳон ва халқаро ҳуқуқ штаб-квартираси, биз эса бунинг тескарисини эшитдик. БМТда биринчи марта чиқиш қилаётган президент уруш, мамлакатларни йўқ қилиш, блокада ҳақида гапирмоқда. Бутун дунёда инсон ҳуқуқларини бузаётган мамлакатда, афтидан, бошқа мамлакатлар билан ўз табаалари билан гаплашгандай муомала қилиш ҳуқуқи бор», — деди Арреаса.
Изоҳ (0)