Кубада 5 нафар канадалик дипломат ва уларнинг оиласи номаълум ташқи товуш таъсиридан жабрланди. Бу ҳақда вазият билан таниш манбага таяниб, CBC маълум қилди, дея хабар беради «ТАСС».
Телеканалга кўра, товуш таъсири аломатлари эшитиш қобилиятининг йўқолиши, бош оғриғи ва айланишидан иборат. Гарчи қатор ҳолатларда тиббий ёрдам талаб этилган бўлса-да, барча жабрланганлар ўзига келишга улгургани билдирилмоқда.
Манба Канада фуқароларига ҳужум қасддан уюштирилганини даъво қилмоқда. Бошқа тафсилотлар келтирилмаган.
Эслатиб ўтамиз, Кубада шунга ўхшаш ҳолатлар АҚШ дипломатларида ҳам кузатилганди.
Изоҳ (0)