Каталония расмийлари Испания қироли Филипп VI ва бош вазир Мариано Рахойга автоном ҳамжамиятдаги вазиятни изга солиш учун ҳамкорликка чақирилган мактуб йўллади. Бу ҳақда «ТАСС» хабар бермоқда.
RAC 1 радиосига кўра, мактубга Каталония раҳбари Карлес Пучдемон, унинг ўринбосари Ориол Жункерас, шунингдек, Барселона мэри Ада Колау имзо чеккан.
Мактубда каталонияликларнинг мустақиллик тўғрисида референдум ўтказиши масаласида «келишиб олиш» таклиф этилган. Минтақа расмийларига кўра, референдум «фуқаролар овозини эшитиш» учун зарур.
Эслатиб ўтамиз, олдинроқ Каталония парламенти мустақиллик тўғрисидаги референдумга оид қонунни қабул қилганди. Қонун 1 октябрда шу масалада референдум ўтказиш имконини беради.
Изоҳ (0)