ИШИДнинг даромадлари икки йил мобайнида 5 карра камайди. Бу ҳақда IHS Markit таҳлилий маркази манбаларига таяниб, Италиянинг La Stampa нашри маълум қилди, дея хабар беради «ТАСС».
Газетага кўра, ИШИД ғазнасига тушум 2015 йилги 80 миллион доллардан 2017 йили 16 миллион долларгача тушиб кетди.
Бунинг асосий сабаби жангарилар қўл остидаги ҳудуд тобора қисқариб бораётгани билан боғлиқ: 10 миллион аҳолиси бўлган 250 минг квадрат километрдан иборат ҳудуддан ИШИД назоратида чорак қисмидан камроғи қолмоқда.
Шунингдек, Ироқ ва Сурия қуролли кучлари бомбардимонлари натижасида террорчилар даромадининг асосий манбаси бўлган нефть конлари вайрон этилди ёки қайтариб олинди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)