АҚШнинг собиқ президенти Барак Обама ва унинг оиласи томонидан саккиз йиллик давлат раҳбарлиги давомида қилинган сафарлар учун 105 миллион доллар сарфланган. Бу ҳақда «ТАСС» хабар бермоқда.
«ТАСС»нинг ёзишича, маълумот эркинлиги тўғрисидаги қонунга асосланиб, суд орқали АҚШ махфий хизматларининг ҳужжатларини олган Judicial Watch ҳуқуқни ҳимоя қилувчи жамоатчилик ташкилоти шундай хулосага келган
Пуллар авиачипталарга, автомобиллар ижарасига, телефон алоқаси учун тўловга, бензин ва турар жой, хусусан, махфий хизмат ходимларининг меҳмонхона номерлари учун сарфланган. Ташкилот харажатлар Обаманинг ўзи томонидан ёки америкалик солиқ тўловчилар ҳисобидан тўланганига аниқлик киритмаган. Одатда, дам олиш ва баъзи сафарлар вақтида харажатларнинг катта қисмини Обаманинг ўзи тўлар эди.
Обамага 2018 йилда давлат бюджетидан 1,15 миллион доллар ажратилади. Унинг бир қисми собиқ президентнинг пенсияси учун кетса, қолгани офиснинг ижараси учун тўланади. 1950 йилларда қабул қилинган қонунга кўра, АҚШнинг собиқ президентлари давлат таъминотида қолади. Улар вазирларнинг иш ҳақига тенг миқдорда пенсия олади. Уларнинг рафиқаларига ҳам маълум миқдорда пул тўланади. Собиқ президентлар давлат бюджети ҳисобидан ижараси тўланадиган офис ва алоқага эга бўлади.
Изоҳ (0)