Қорақалпоғистон Республикаси Хўжайли туман истеъмолчилар ҳуқуқларини ҳимоя қилиш жамиятига мазкур туман «Сарайкўл» ОФЙ маҳалла посбони ёзма ариза билан мурожаат қилди, деб хабар беради Қорақалпоғистон Республикаси Истеъмолчилар ҳуқуқларини ҳимоя қилиш жамиятлари федерацияси матбуот хизмати.
Унга кўра, «Сарайкўл» ОФЙда яшовчи 189 нафар фуқаронинг хонадонига жами 56 875 313 сўм қарздорлик борлиги ҳақида қарздорлар рўйхати келганлиги, лекин илгари ҳам Хўжайли туман электр тармоқлари корхонаси томонидан бир неча бора асоссиз қарздорлик ҳолатлари учраганлиги боис қарздорлик рўйхатини ўрганиб чиқишни сўраган.
Мазкур ҳолат Хўжайли туман Истеъмолчилар ҳуқуқларини ҳимоя қилиш жамияти томонидан ўрганиб чиқилди. Аниқланишича, туманнинг «Сарайкўл» ОФЙсида яшовчи 189 нафар фуқародан 141 нафар фуқарога асоссиз қарздорлик ёзилган. Аслида эса мазкур ОФЙнинг 46 хонадонидагина электр корхонасидан қарзи мавжуд бўлган. Натижада фуқаролар ҳисобига ёзилган 56 875 313 сўм қарздорлик 4 292 202 сўм эканлиги аниқланди. Яъни 141 нафар истеъмолчи фойдасига 1 кунда 52 579 111 сўм ҳал қилинди.
Изоҳ (0)