Туркманистон президенти Гурбангули Бердимуҳамедов Ахалтекин от мажмуасига ташриф буюриб, у ерда чавандозлик машғулотига, шунингдек, янги китоб устида ишлашга вақт ажратди, деб ёзади «Туркменистан сегодня» ахборот агентлиги.
От мажмуасидаги тулпорларни кўздан кечириб, улар боқиладиган шароитлар билан танишгач, президент Гунжурли учқур отида сайр қилди.
Бундан ташқари, от мажмуасига ташрифи чоғида давлат раҳбари ижодий иш билан банд бўлди — отлар ҳақидаги янги китоби устида ишлади. «Президентнинг кўплаб тилларга таржима қилинган ҳамда йилқичилик соҳасидаги мутахассислар орасида машҳур бўлган китобларида ахалтекин зотининг нуфузи ва шуҳратини ёйиш давлат сиёсати даражасига кўтарилган», — дейилади хабарда.
Изоҳ (0)