АҚШ Камбоджа, Эритрея, Гвинея ва Сьерра-Леонега қарши виза санкцияларини киритди

АҚШ тўрт мамлакатга қарши виза санкцияларини киритди, улар Америкадан чиқариб юборилган фуқароларини қабул қилмаган, деб ёзади «РИА Новости» АҚШ ички хавфсизлик вазирлиги пресс-релизига таяниб.

«Камбоджа, Эритрея, Гвинея ва Сьерра-Леоне АҚШдан депортация қилинган ўз фуқароларини қабул қилишдан бош тортди ёки буни асоссиз кечиктирди. Натижада давлат котиби Рекс Тиллерсон ушбу мамлакатлардаги консулхона ишчиларига виза беришда ариза берувчиларнинг баъзи тоифалари бўйича чекловлар қўллашини буюрди», — дейилади хабарда.

Вазирлик ва давлат департаменти огоҳлантиришича, агар ушбу мамлакатлар бундан кейин ҳам депортация қилинганларни қабул қилмаса, санкциялар кенгайтирилиши мумкин.