Окояда (АҚШ, Флорида штати) яшовчи Тиффани Хэтфилд «Ирма» тўфони туфайли эвакуация чоғида сотиб олган лотерея чиптасидан 10 минг доллар ютиб олди. Бу ҳақда Forum Daily хабар бермоқда.
CBS телеканалига кўра, уч боланинг онаси Флоридадан Виржинияга йўл олаётганида Шимолий Каролинада қисқа муддатга тўхтайди. Ҳожатхонага кириб кетган қизини кутиш давомида дўкондан скретч-лотерея харид қилади.
Ҳимоя қопламасини олгач, 10 минг доллар ютуқ чиққанини англаган оила аъзолари қувонганидан ўзини қўйгани жой тополмайди.
Хетфилд 12-сентябр куни ўз ютуғини олди. У оиласи билан Флоридага қайтишга улгурди ва пулларни тўфон оқибатида зарар етган уйини таъмирлашга сарфлаш ниятида.
Изоҳ (0)