Хитойнинг Tencent Holdings интернет-компанияси асосчиси Ма Хуатэннинг молиявий ҳолати ярим кун ичида 953 миллион долларга кўпайиб, 37,3 миллиард долларга етди. Бу ҳақда Forbes хабар бермоқда.
Бизнесменнинг асосий рақобатчиси, Alibaba йирик акциядори Жек Ма эса бу муддатда мол-мулкини «атиги» 15 миллионга кўпайтирди ва 37,6 миллиард долларга етказди. Бу Жек Ма Хитойнинг энг бадавлат одами бўлиб қолиши учун етарли бўлди.
Хуатэннинг молиявий ҳолати компанияси акциялари қиймати 11 сентябрь куни 2,8 фоизга ошгани ҳисобига яхшиланди. Tencent акциялари кўтарилишига Шимолий Корея ядро синовлари ўтказишдан тийилишга қарор қилганидан сўнг инвесторларнинг жонлангани сабаб бўлгани билдирилмоқда.
Изоҳ (0)