Жанубий Кореянинг Капхене шаҳрида ўзига хос оммавий никоҳ маросими бўлиб ўтди. Дунёнинг 64 мамлакати вакиллари бўлган 4 минг жуфтлик бир кунда оила қурди, деб хабар берди «Ўзбекистон 24».
Тадбир Жанубий Корея пойтахти Сеулдан 75 километр шимоли-шарқда жойлашган Капхене шаҳрида ташкил этилди. Ёшларнинг висол оқшомини видеоалоқа орқали дунёнинг турли ҳудудларидан туриб 20 минг нафар ёш жуфтлик бевосита кузатиш имконига эга бўлди.
Ташкилотчиларнинг айтишича, бундай маросимларни оммалаштириш мақсадга мувофиқдир. Сабаби оила қуриш борасида ҳали бир тўхтамга кела олмаган йигит-қизларни ҳаёт йўлларини имкон қадар тезроқ бирлаштиришга ҳамда оилалар мустаҳкамлигини таъминлашга ундайди.
Изоҳ (0)