Россиянинг Амур вилоятида Хитой фуқароси чегарадан оёқ кийимларига икки килограмм олтин қуймаларини яшириб олиб ўтишга уринди. Бу ҳақда Шарқий Сибир транспорт прокуратураси хабар берди.
Благовешенск чегара назорат пунктида божхоначилар оёқ кийимининг остини ўйиб, контрабанда олиб ўтиш учун махсус тайёрлаган хитойлик фуқарони аниқлади. Текширув давомида унинг оёқ кийимидан 4 миллион 886 минг рубль (85 200 доллар) қийматига тенг олтин топилган.
Қонунбузарга нисбатан «Стратегик аҳамиятга эга ресурслар контрабандаси» банди бўйича жиноят иши қўзғатилган.
Амалдаги Жиноят Кодексидаги «Контрабанда» банди товарларни олиб киришга тааллуқли эмас ва фақат санъат буюмлари, қуроллар ва бошқа стратегик ҳамда хавфли материалларнинг ҳудудда кўчиб юришини назорат қилади.
Изоҳ (0)