Ўзбекистон ташқи ишлар вазири Абдулазиз Комилов Human Rights Watch ташкилоти Европа ва Марказий Осиё бўлими бошлиғи Хью Уильямсон ҳамда Марказий Осиё бўйича офис раҳбари Стивен Свердловни қабул қилди. Бу ҳақда «Ўзбекистон 24» хабар бермоқда.
Суҳбат чоғида икки томонлама алоқаларнинг долзарб масалалари муҳокама қилинди.
Ҳаракатлар стратегияси Ўзбекистон ва Human Rights Watch ўртасидаги конструктив ва ўзаро ҳурматга асосланган ҳамкорлик учун янги имкониятларни очиши қайд этилди.
Халқаро ташкилот вакиллари Тошкент шаҳридаги давлат ва нодавлат тузилмаларида ўтказилган кўплаб учрашувларидан олган таассуротлар билан ўртоқлашди.
Суҳбат давомида икки томон алоқаларидаги маълум муддат тўхталишдан сўнг шаклланаётган ҳамкорликнинг кун тартибига доир бошқа масалалар юзасидан ҳам фикр алмашилди.
Изоҳ (0)