20 август куни қишлоқ мактабида ўқитувчи бўлиб ишлайдиган 23 ёшли йигит Тожикистон президенти Эмомали Раҳмонга атаб шеър ўқиб берди, деб ёзади Forum Daily.
«Мен ёш ўқитувчи сифатида ўзимни энг бахтиёр инсон деб ҳис қиляпман, чунки сиздек ҳурматли халқ етакчиси қаршисида нутқ сўзлаш шарафига муяссар бўлдим», — дея ўз сўзларига якун ясади у.
Бунга жавобан Раҳмон йигитдан уйланган-уйланмаганлигини сўради. Шундан сўнг президент уни ёнига чақириб, қўл соати ҳадя қилди, шунингдек, маҳаллий маъмуриятга уни уйлантириб қўйишни буюрди.
Йигит учун келинни ўн кун ичида топишди, бунгача ёшлар бир-бирини танимаган. Келин бола туман касалхонасида ишлайдиган ҳамшира бўлиб, ўзининг айтишича, уни турмушга чиқишга мажбурлашмаган, унинг ўзи тўйдан кейин ишлашни давом эттириш шарти билан рози бўлган.
Тўй харажатларини туман маъмурияти қоплаб берди.
Изоҳ (0)