Японияда Хиросима ва Нагасаки атом бомбардимонлари жабрдийдалари ҳаракатининг («Хибакуся») энг машҳур намояндаларидан бири Сумитэру Танигути 89 ёшида вафот этди. Бу ҳақда «ТАСС» хабар бермоқда.
Нагасаки 1945 йил 9 августда бомбардимон қилиниши оқибатида танаси қаттиқ куйган Танигутининг фотоси ўз вақтида бутун дунёга тарқалганди. Унда қорни билан ётган ва орқа териси буткул жизғанак бўлган бола тасвирланганди.
Сумитэру Танигути ҳаётини жамоатчилик фаолияти ва ядро қуролидан воз кечишни қўллаб-қувватлашга бағишлади. У омма, хусусан, талабалар олдида тез-тез чиқиш қилар, келажак авлод ядро қуролининг даҳшатли асоратларидан хабардор бўлишини истарди.
Изоҳ (0)