CNN мухбири Дрю Гриффин 30 август куни Техасдан узатилаётган тўғридан-тўғри эфир чоғида бир эркакка чўкиб кетаётган автомобилдан чиқиб олишга ёрдам берди, деб ёзади «Корреспондент.net». Қутқарув жараёни акс этган видео телеканал сайтига жойланди.
Гриффин «Харви» тўфони билан боғлиқ вазиятни ёритаётган эди. Тўғридан-тўғри эфир бошланган лаҳзада мухбир йўлда кетаётиб, сув тўла чуқурга тушиб кетган оқ пикапни кўриб қолди.
Гриффин ва продюсер Брайан Рокус жабрланувчига машинадан чиқиб олишда ёрдам берди. Бу вақт давомида журналист микрофонини олиб қўймади ва бевосита эфирда вазиятни шарҳлаб турди.
Изоҳ (0)