АҚШ ҳарбийлари тахмин қилишича, КХДР тўлиқ ишлайдиган қитъалараро баллистик ракетани келаси йил охиригача яратиши мумкин. Бундай фикрни АҚШнинг Тинч океанидаги қўшинлари қўмондони Гарри Харрис билдирган, деб ёзади «ТАСС».
«Унинг ҳисоб-китобларига кўра, Шимолий Корея ядровий жанговар каллакни ташишга қодир қитъалараро баллистик ракетани 2018 йилдаёқ ярата олади… Биз жиддий инқироз билан тўқнаш келдик», — деди Корея Республикаси парламентининг мудофаа қўмитаси раҳбари Ким Ён У. У аввалроқ Гарри Харрис билан учрашиб келган эди.
Ким Чен Ин КХДР ҳокимияти тепасига келган 2011 йилдан буён мамлакат баллистик ракеталарни тахминан 50 марта учирди. Бу Ким Чен Ир ҳукмронлиги давридагидан (1994—2011) уч марта кўп демакдир.
Изоҳ (0)