Техаснинг HОU 11 телеканалининг бошловчиси Бренди Смит «Харви» тўфони оқибатида тузоққа тушиб қолган Роберт исмли юк машина ҳайдовчисини қутқариб қолди. Тўғридан-тўғри эфир ёзуви Meetmissjoness’нинг Twitter’даги аккаунтида эълон қилинди ва у бир сутка давомида 25 мингта «лайк» ҳамда 12 мингта ретвит йиғди.
Incredible, watch as @BrandiKHOU flags down a rescue boat on-air, saving this truck driver's life https://t.co/EVvNbdt13k pic.twitter.com/3mYi9McniB
— Hayley Jones (@hayleycjones) August 27, 2017
Видеода Смит секин-аста сув остига чўкиб кетаётган, ичига ҳайдовчи қамалиб қолган юк машинаси пайқаб қолгани тасвирланган. Журналист чўкаётган одамни қутқариш учун қайиқни шатакка олиб кетаётган шериф ёрдамчиларини тўхтатиб, улардан юк машина ҳайдовчисига ёрдам беришларини сўраган.
Mashable’нинг хабар беришича, қайиқдаги қутқарув отряди юк машинаси ҳайдовчига ёрдам кўрсатиб, уни хавфсиз жойга олиб ўтган. «Энди бемалол нафас олсам ҳам бўлаверади», — дейди журналист.
«Харви» тўфони Техасга 26 август кечаси ёпирилган. Аввалига унга хавфлиликнинг тўртинчи даражаси берилган эди, бироқ кейинроқ тропик тўфон даражасигача пасайтиришган. The New York Times’нинг маълумотларига кўра, табиий офат оқибатида 5 киши ҳалок бўлган, 10 киши жабрланган.
Изоҳ (0)