Испания миллий полициясининг ахборот-қидирув бошқармаси 2005 йилда суддан яқинда Барселонада юз берган терактни режалаштирган имом Абдулбоқи ас-Сатийнинг телефон сўзлашувларини эшитиш учун рухсат сўраган. Бу ҳақда ABC газетасига таяниб, «ТАСС» хабар берди.
Газетанинг маълумотларига кўра, ҳуқуқни муҳофаза қилувчи органлар бу заруратни марокашлик имомни «Ал Қоида» тармоғига кирувчи террористик гуруҳ билан алоқадорликда гумон қилгани билан тушунтирган.
Судья телефон сўзлашувларини эшитишга 2005 йил 19 октябрдаги қарор билан розилик берган. Қарорда ас-Сатий террористик тармоқларга моддий-техник ёрдам беришда воситачи сифатида ишлаган бўлиши мумкинлиги ҳақида гапирилган.
Изоҳ (0)