Афғонистон пойтахти Кобул шаҳридаги масжидга 25 август куни уюштирилган ҳужум оқибатида камида 20 киши ҳалок бўлди, 35 киши тан жароҳати олди. Бу ҳақда, Афғонистон соғлиқни сақлаш вазирлигига асосланиб, Tolo News телеканали хабар берди.
VIDEO: TOLOnews reporter Gulabuddin Ghubar reports from the #Kabul mosque attack scene: pic.twitter.com/lMpX9iSZQO
— TOLOnews (@TOLOnews) August 25, 2017
«ТАСС»нинг хабарига кўра, хавфсизлик кучлари Кобулдаги масжидга ҳужумда қатнашган барча жангариларни йўқ қилган. Tolo News’нинг қўшимча қилишича, икки томон ўртасидаги тўқнашув беш соатга яқин давом этган.
Хабар беришларича, теракт учун жавобгарликни ИШИД террорчилик гуруҳи ўз зиммасига олган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)