«Ливан гўзали — 2017» танлови ғолиби Аманда Ханна 2016 йилда Исроилга боргани учун ўз мақомидан маҳрум этилди. Бу ҳақда The Independent газетаси хабар берди.
Бундай қарор қиз танловда ғолиб чиққанидан кейин бир ҳафта ўтиб, танлов ташкилотчилари томонидан қабул қилинган. «Унинг қўшни давлатга ташрифи давлатимиз қонунларини бузади», — дейилади расмий хабарда.
Ханна иккита фуқароликка эга: Ливан фуқаролигидан ташқари, у Швеция паспортига ҳам эга. Айнан шу ҳужжат билан у ўтган йили илмий мақсадда Исроилга ташриф буюрган.
Ливан ва Исроил ўртасида 2006 йилда бўлиб ўтган қуролли низодан сўнг чегараларда оммавий тўқнашувлар юзага келмаган бўлса ҳам, икки мамлакат техник жиҳатдан уруш ёқасида турибди.
Ливанда 1955 йилдан буён ҳар қандай исроил маҳсулотига, шунингдек маданий ва гуманитар алмашинувларга тўлиқ тақиқ жорий қилинган. Хусусан, икки мамлакат фуқароларига қўшни давлатга бориш тақиқланган. Ливан қонунларига кўра, ҳатто исроилликлар билан мулоқот қилиш ҳам жиноят ҳисобланади, бунинг учун озодликдан маҳрум қилиш жазоси белгиланган.
Изоҳ (0)