АҚШда Powerball лотереясининг 758,8 миллион долларга тенг ютуқли чиптаси Уотертаун шаҳрида (Массачусетс штати) сотилди. Бу ҳақда «ТАСС» хабар бермоқда.
Ташкилотчиларга кўра, бу ҳозирча номаълум шахс АҚШда битта чиптага чиққан энг йирик суммани ютиб олганини англатади. Уни қўлга киритиш эҳтимоли тахминан 292 миллионга бирни ташкил этди.
2016 йили рекорд даражадаги жекпот миқдори 1,59 миллиард долларни ташкил этди, бироқ ўшанда ютуқ учта чипта эгаси ўртасида тақсимланганди.
Қоидаларга кўра, ғолиб жекпотни 29 йил мобайнида бўлиб-бўлиб олиши ёки дарров қўлга киритиши мумкин. Охирги ҳолатда ютуқ суммаси тахминан икки баробар камаяди, бунга турли штатларда турлича бўлган солиқлар киритилмаган.
Изоҳ (0)