Аргентиналик талаба эльфникига ўхшаган қиёфага эришиш учун пластик жарроҳликка 46 минг доллар сарфлади, деб ёзади Daily Mirror.
Ўз орзусига етишиш учун 26 ёшли Луис Падрон ринопластика, ияк липосакцияси, шунингдек, кўз рангини ўзгартириш бўйича операцияни бошидан ўтказди. Бундан ташқари, у махсус бўёқлар ёрдамида териси ва сочини оқартиради. Бу процедуралар унга ойига беш минг долларга тушади.
Август бошида Падрон яна бир косметик операцияни ўтказди. Энди у «Узуклар ҳукмдори» трилогиясидаги эльфлар каби, баланд пешона ва юраксимон соч чизиғига эга бўлди.
Яқин келажакда аргентиналик қулоғи шаклини ўзгартиришни, бир нечта қовурғасини олдириб ташлашни, кўз бичимини ўзгартиришни ва қўл-оёқларини узайтиришни режалаштирмоқда.
Изоҳ (0)