Ўзбекистон футбол федерацияси ҳисобот-сайлов конференциясига 22 кун қолганида бу ҳақда маълум қилди. Бунгача ташкилот конференция ҳақида ФИФА ва ОФКни хабардор қилган бўлиб, Ўзбекистон футбол жамоатчилигини бундан воқиф этмаганди.
«12 сентябрь куни президентлик сайлови?» ЎФФ ўз низомига амал қилмаётганликда айбланди
«Anhor.uz» нашри ЎФФ низомини ёдга олиб, ҳисобот-сайлов конференцияси регламент бўйича сайловга 6 ҳафта вақт қолганида эълон қилиниши кераклигини, вице-президент Сардор Раҳматуллаев ташкилотнинг шаффоф фаолият олиб бориши ҳақида айтган бўлса-да, аслида бунга амал қилинмаётганини қистириб ўтганди.ЎФФ матбуот хизмати Ўзбекистон миллий терма жамоасининг Эронга қарши ўйиндаги мағлубиятидан кейин бош мураббий Самвел Бабаяннинг камида 5 сентябрга қадар ўз лавозимида қолиши ҳақида айтган бўлиб, унга ҳисобот-сайлов конференцияси сентябрь ойида ўтишини илова қилганди. Бироқ бунда аниқ сана кўрсатилмаган.
21 августга келибгина ЎФФ аниқ сана ҳақида маълумот берди. Бунга қадар футбол жамоатчилиги норасмий манбалар орқали санадан воқиф бўлиб улгурган, эндиликда жамоатчилик ЎФФ президентлиги учун номзодлар билан қизиқаётганди. Регламентга кўра, ташкилот номзодлар ҳақида ҳам аллақачон маълумот бериши керак. Бироқ 21 август кунги расмий хабарда бу ҳақда айтилмаган.
Хабарда янги раҳбарият таркиби, янги структурани тасдиқлаш масалалари 12 сентябрь куни ҳал бўлиши айтилган. Бироқ президентлик учун номзодлар кўрсатилмаганидан келиб чиқилса, бу масалалар кимлар томонидан ҳал қилиниши мумкинлиги ёпиқлигича қолган.
Бунгача шаффоф ишлаб келинаётгани ҳақида айтиб ўтган Сардор Раҳматуллаев Халқаро пресс-клубда Ўзбекистон футболини ривожлантиришнинг янги босқичи ишлаб чиқилаётгани ҳақида айтганди. Бу босқич амалдаги раҳбарият томонидан сайловга бир неча кун қолганида ишлаб чиқилган. Янги раҳбарият уни ёқлайдими ёки амалдаги раҳбарият фаолиятини давом эттирадими аниқ эмас.
Изоҳ (0)