Таниқли спорт шарҳловчиси Хайрулла Ҳамидов ЎзМТРКнинг «Спорт» телеканалига қайтди. Узоқ танаффусдан сўнг, Ҳамидов 19 август куни, шанба куни телеканал орқали футбол учрашувини шарҳлаб борди.
19 август, шанба куни 21:00 дан тўғридан-тўғри эфирда намойиш этилган (ўйин Тошкент вақти билан 21:00 да бошланган) «Ювентус» ва «Кальяри» жамоалари ўртасидаги учрашувни Хайрулла Ҳамидов ҳамкасби Зоҳид Каримов билан бирга шарҳлади.
Маълумот учун, Хайрулла Ҳамидов 1999—2006 йилларда ҳам Ўзбекистон телевидениеси, хусусан, «Спорт» телеканалида фаолият кўрсатган, ўзининг шарҳлари ва футболга бағишланган кўрсатувлари билан танилган эди.
Хайрулла Ҳамидов ўз вақтида футболга ихтисослашган «Ўзбекистон футболи», «Футбол», «Прессбол», «Интерфутбол», «Чемпион» газеталари, «ФИФА» журнали ва бошқа нашрлар билан ҳамкорлик қилган. Сўнгги вақтларда «Ориат-Доно» радиосининг «Футбол плюс» дастурида қатнашиб келаётган эди.
Изоҳ (0)