Японияда гигант тошбақа ҳайвонот боғидан қочиб кетди. У икки ҳафтадан сўнг боғ деворидан 140 метр нарида топилди

Япониянинг Окаяма префектурасидаги Сибукава боғидан 3 август куни Абу лақабли, 35 ёшли гигант тошбақа қочиб кетган эди, деб ёзади Meduza.

Боғ ходимларининг сўзларига кўра, 55 ёшли тошбақа боғ бўйлаб эркин сайр қилар, фақат тунда қафасга олиб кириб қўйиларди. Кузатув камералари ёзувлари Абу боғнинг асосий кириш жойидан ташқарига чиқиб кетганини кўрсатди.

Тошбақа йўқолиб қолганидан бир неча кун ўтиб, боғ маъмурияти жонивор ҳақида ахборот берган ҳар қандай шахсга 500 минг ен (тахминан 4,5 минг доллар) миқдорида мукофот пули ваъда қилди.

Тошбақа 16 август куни топилди. У боғ деворидан 140 метр узоқликдаги буталар орасига кириб олгани маълум бўлди.

Ҳайвонот боғи ходимларининг аниқлик киритишича, бу сўнгги бир ой ичида Абунинг иккинчи марта қочиб кетишидир.